時間30-4
"Dum"左幾日都係要做，
3250report...真激氣...
不過最緊要過到...
過唔到都唔知點算....
咁又做左成日...
好鬼支力 -______-
29-4
今日...真搞鬼...
起身阿爸帶我地去雀會...
一家人唱Lunch K...
真奇怪...
番到屋企都同阿爸唱左個下晝...
都好耐冇咁喇...
本來以為落雨冇得踢，
跟住停雨以為有得踢，
踢住...竟然約唔夠人又冇得踢，
真係可惡~~
丫..可能係無聊得濟，
就去數ICQ history o既長度，
發現原來有d已經好耐好耐冇傾計o既都仲係排響好頭，
咁或者代表我呢個sem icq得少左？！
又好似唔覺喎...
28-4
原來仲有咁鋒迴路轉...
唔怪得我唔識解讀啦....
不過今次好似要妳擔心仲多過我自己...
唔知講咩好...
不過家陣冇o野就得啦...
今日又係冇咩做過o野...
好死懶...
諗住整webpage又冇idea...
諗住搵資料又唔知搵咩好...
諗住讀法文又想遲少少先...
唏...
結果...又係搞機...
裝左個VMWare..幾正...
如果我部機係althon800就仲正...hahaha....
收到PWC封信...
一睇完就掉左... -____-
夜晚又同阿爸講過...
我諗可能就算mphil收我都未必讀喇...
好似出黎做o野安全d...
我驚個市冇兩年承接力咁耐...
到時出黎托唔起就煩喇...
27-4
本來以為又會無聊一日，
好彩結果有得出黎。
唱左一陣K，
跟住去搵旅行資料。
今日最主要都係上學聯問番d o野啦...
唔...雖然有好多o野要等埋李狗先可以一齊搞作，
不過都仲有好多唔洗嫁嘛~
咁就快搞先啦~~
仲有番屋企又問左阿爸好多...
經驗玩者即係經驗玩者...
問佢好過自己去搵答案...
唔...另外仲有兩人四人六人八人o既問題...
都幾考腦筋...
歐遊備忘 1 =========== ◎目的國家：希臘、意大利、奧地利、瑞士、法國 ◎暫定目的城市：雅典、羅馬、翡冷翠、米蘭、威尼斯、維也納、巴黎... ◎買旅遊書...快d要買... ◎plan路線：城市->景點->日程。 ◎plan好行程要快d訂機票火車票同簽証... ◎意大利要小心小手 ◎可以o既話用簽咭代替現金 ◎要問下銀行張咭係咪世界通行 ◎學法文...少少都好 ◎英語基本上係...冇用o既...最好搵本快譯通睇下有冇七國語... ◎簽証係簽第一個stay o既國家 ◎伸請青年旅舍証
今晚食火窩唔係咁熱血，
可能係冇左個蓋所以唔可以玩到咁癲...
不過妳"梗"親果樣真係好辛苦啊...
真係有d嚇親...
可惜我幫唔到妳挖.... =P
終於講番，雖然係遲左好多...
不過今云我真係好鈍...get唔到呢個反應係咩...
唔知擔唔擔心好...
諗諗下...其實或者已經冇咩喇...
++以前寫過呢一段o野：
這些日子，很頹廢，在漫無目的的虛耗著光陰． 兜兜轉轉，找尋著一些不存在，不屬於自己的東西． 轉回頭，郤是一無所有． 迷路了，我，郤是輸得起． 人生原來是用來走的． 走的若只是直路，所得的亦只會是直路上的光景，不可惜麼？ 迷過路，才知道世界是怎樣；走錯過，才可得別處的風光． 最重要的，還是知道，知道自己知道．
26-4
冇o野做，
又係例遲起身啦...
仲搞到阿媽都一齊咁遲食lunch添...
又執左成日o野，
執左好多過左時o既o野，
掉棄左好多舊o既notes...
最多o既係做FYP果d...果d剩係開頭(好開頭)睇過o既唔等駛o既notes...
諗到喇...
冇o野做都係update下hp啦...
之前講左好耐好耐都冇做，
我諗今次唔會得個講字喇呱...
搬出去住？
我諗我冇咁快會咁呱？
25-4
又係present o既日子...
三年黎都係得兩日係會打呔番學o既...
不過今次係冇著suit o既...
但係估唔到番到去原來都係超多人著suit....
其實想say sorry先..
不過自己又未present又唔知妳pre左未...
諗住唔好令情緒波動...點知...又冇左個機會...
唔知係咪仲嬲緊...心都沉左d...
不過一定要keep住...因為仲要present！
已經好肚餓...點知阿king又唔知改左時間...
搞到又要挨多成粒鐘...
好彩...到真係present，都冇咩大出錯，
佢問o既o野都答到...
佢今次o既態度...反而令我真係諗下我上個sem係咪真係冇做到o野？
唔知呢...
present埋...感覺上個大學生涯都完左咁喇...
個心唔知放響邊度好...
若有所失...
present完，打埋個3250 report，
本來諗住聽++佢地present，點知又記錯時間 -____-
咁..唯有聽阿遠阿漢佢地present啦...
唔...忽然諗...阿king都算幾好喇...
如果梁浩鋒做我地marker，就更加洩氣喇...
佢地present埋，咁就一齊去食tea啦...
因為我其實已經好鬼餓啊！
之後番lab...demo埋俾阿king睇，
交埋3250..
抄埋d mp3=P
咁...就走喇...
可恨o既係....臨走竟然都有個壞消息俾我...
竟然中左3250 resummit大抽獎... -_____________________-
死簡！
出去玫瑰堂...
去到佢地已經做完彌撒..
但係原來阿爸阿媽又冇黎到...
真係....
咁...都係同d親戚去食晚飯啦...
無啦啦飲左好多酒...
個頭都痛埋...
唉...
自討苦吃...
24-4
尋日冇做，
結果當然係今日做番...
不過我都估唔到要由朝做到晚先做完個powerpoint..
我仲以為好快搞掂嫁嘛...
講真...我其實覺得每一次都有d進步..
雖然未必係進步左好多，
不過唔緊要丫...有就得..
番到去仲要準備script...
又搞到勁夜..希望聽日唔洗變熊貓present啦...
23-4
可能因為今日落雨，清清涼涼...特別好訓~~~
結果今日勁遲先起身...
無啦啦將間房反轉再反轉，
將間房d o野執晒出黎再執番好，
好似每一年半載我就會咁做...
總係覺得要由頭到尾咁執先夠徹底...
不過我又未必係響大掃除o既時候執，
反而成日響唔適合o既時候執就真... -____-
突然又有人搵我傾搞生意，
今次好似吸引過上次：
opportunity cost冇咁大；
technical唔駛完全依賴我；
不過，個business係咩其實都未係楚，
遲d再傾下先知...
今晚同阿妹兩個人響屋企叫左個四人餐pizza外賣番黎，
變左一個好遲o既午餐加一個好遲o既晚餐，
不過...冇問題丫~ok。
22-4
諗住番去做3250report、fyp powerpoint、執埋d fyp program...
但係結果係未做fyp powerpoint o既...
仲等我咁早起身....
不過都好，都執左個我以為會幾難改o既feature....
約左狗少去學聯問資料，
點知...點知去到竟然close左...
復活節五點關門？！...真過份~~
不過都冇計...唯有周圍逛下啦....
又打書釘...今日我打左差唔多三個鐘喇...
腳都軟呀！
夜晚又當然係踢波啦~
今晚贏左好多場，
踢得幾好呀~好機動~
今晚阿東跟埋黎踢，
唔知會唔會悶親佢呢~
踢完波，臨走，突然落大雨...
反正都濕身，
於是響滂沱大雨之中依然係慢慢行，
感覺好free...
或者旁邊有人見到，會覺得我係傻瓜？
番到屋企已經變左落湯雞，
由頭濕到落腳，
不過，唔緊要~
21-4
約左狗少去搵歐遊資料，
去商務睇左d 書，
問完旅行社d 基本資料，
跟住就一齊番黎屋企上網再搵，
真係好鬼興奮...
睇到一個人地又係畢業去歐洲旅行o既網頁，
越睇越想快d去~
仲有...個網頁d midi好好聽...
全部都係d 鋼琴o既classical...
20-4
冇做過o野。
悶左一日，食完飯竟然去左同魚傾計...
好耐冇彈過結他...
今晚拎番黎彈...或者遲d寂寞都係靠佢打發日子...ai...
真係冇料到會咁嚴重...
我講o既時候係唔知道啊...
講完都知錯啊....
我唔係有心呀....
真係好對唔住...除左對唔住我都唔識講其他o野...
唉...個心好唔安樂...
以後一定要搞清楚先講o野...
唔小心屈人...傷人傷已啊....
19-4
通完兩晚頂，
結果都係唔可以訓好耐，
今日下晝本來要番去同Anson搞搞個demo..
點知番到去搵唔到佢...
佢又搵唔到我...
激死...
跟住番屋企，
都係支持唔住，
一o野又訓番....
再夜d起番身，
講到grad camp...
本來我拿唔定主義去唔去，
但係諗諗下，都係覺得要去，
就係少人去更加要去。
我唔想響最後o既時候令我o既朋友失望。
我自己咁諗，
亦都係咁同人講，
好彩結果大家都話肯去，
不過如果大家覺得係我迫佢地去o既，
咁就真係好唔好意思... =P
或者...響某個時候，
當我決定唔想朋友失望o既時候，
又同樣希望朋友可以唔令我失望。
對於普通朋友、吃喝玩樂o既朋友，我冇咩所謂冇咩要求，
但係對於真正o既朋友，我諗係唔同o既...
每個人做每樣決定總有自己o既原因，
亦唔會話好朋友就係要跟自己咁諗，就要順自己意，
不過大家心入面點諗，想點樣，講出黎都仲得啊~
我諗我今晚講o野語氣都幾重...
激嬲左妳...真係好對唔住...sor...
(17-18) - 4
一日同一日，其實都係靠訓覺黎分開，
冇訓覺，就好似直落...日子都分唔開喇...
因為通左頂又冇訓番，咁...寫埋一齊啦...
又係咁遲起身，因為諗住report有o野要夾，
咁...都係番去啦~
而且...橫掂都係有排做，
所以都預左今晚響lab通頂...
咁可以響少人d o既時候print定份report啊...
其實，真係做得好鬼慢，
十一點前，我都唔知自己做過d 咩...
精神其實有，不過冇咩心情同佢細執啊...
到深夜..
其實，都係做下停下咁，
不過總算係完成晒份report...
唔駛聽日趕得咁辛苦...
雖然明知未係做得好好，
不過覺得好過舊年，
夠喇...我諗...
熟o既人大部份都走晒，
今晚咁長...反而係同浩然或者同++傾計...
不滿也好...辛苦也好...都到盡頭喇...
不過盡頭之後係咩都仲未知...
或者有時我好似好鍾意諗o野咁，
可惜我做人始終係冇咩planing...
永遠都係踩到埋身先識反應...
唉...唔知呢d叫唔叫隨遇而安呢？ -______-
其實都冇咩可以做，
不過都唔爭在等天光喇...
聽日係my last day有堂..
晨早將print job send晒去三部printer...
鬼叫佢hang住個printer咁玩我啊？
食早餐...以為我唔想同你食所以行咁慢？
多疑左d o者你...
番轉頭拎番d print out，
估唔到妳都咁早啊~早晨！ e__e
去上MM...竟然係project present...咁都得？睇黎都係唔想我上堂o者...
report又印左...已經冇咩要做...
又去多次早餐...
好鍾意傾計...唔知以後仲可唔可以咁悠閑咁傾喇....
咁又坐到中午...
見老細，今日咩都冇得俾佢...
冇demo、冇report...
佢好似真係有d down，唔知關唔關我地事呢？
成個下晝都響個lab都傻下傻下...
有d不知所惜o既感覺，
如果唔係仲有group meeting，
或者已經番屋企喇....
唔知係咪我講o既o野令妳唔開心，
或者我都係好唔識講o野...
本來叫左十六人份量o既pizza hut for group meeting，
點知真係group meeting o既時候michael又拎多四桶雞黎，
真係飽到極點啊...
好彩今日冇人present，唔駛咁悶...
不過浩然同Anson都好攪笑...哈...
唔知出年仲見唔見到佢地呢？
Michael逐個逐個問我地有咩plan...
我都係唔知點答...都係答住d 近d o既先啦...
忽然個心有d 徬徨，
一生人都未試過咁樣唔知自己之後會點o既...
以前細個就唔駛自己諗，
就算要諗喇，都係幾簡單，
小學升中學，中學讀上去，考完cert等考al，
考完al等入U..要諗最多係multiple choice，
但係家陣...家陣係一個open end question，
仲要冇人知咩係一個好o既答案....
Group meeting之後，
大家去左唱K，
可能係太耐冇唱，
一唱就又唱到天光，
攪到我成四十個鐘唔訓，
係咪有d 過激呢？
不過算喇，第日都...
忽然發覺呢排做o野成日講第日點點點...
果種唔知會點o既感覺...令人個心唔安...
台灣...去唔去好呢？
唉....
16-4
都係咁做...
好悶...
但係可以點？
幾日都係咁遲起身，
起左身仲要磨到夜晚先做到o野...
又要做到天光先訓.... -_____-
15-4
由朝到晚到朝...
十幾個鐘係咁做...
唉...
阿爸阿媽又番左大陸，
今次仲番成十日咁耐，
唔知會唔會俾我搞到一鑊泡呢？hahahhaha~
14-4
朝早咁大雨...差d以為唔駛番添...
結果都係要番...
不過其實剩係睇左阿明present，
食埋飯，番lab訂埋相就番歸喇...
要做Report啊...
雖然只係copy and paste..
不過唔知點解都係咁慢咁o既...
13-4
今日繼續番lab，執埋d MM project o既手尾，
整個powerpoint...又唔係多.. 但係又搞左成日咁耐喎..
剩係果版..果d 相都搞左成個鐘 =P
d 相...真係好鬼嚇人...
定係話好鬼搞笑好呢？都唔夠上次d "parts"嚇人 -___-
搞左咁耐，結果又係冇咩做FYP report啦...
唉...
12-4
本來其實想做FYP report唔想番工，
不過既然冇預早講定，
就冇理由忽然唔番啊....
發覺自己其實有d 期待番工...
或者...係期待放工....
番工繼續做debug，
唔...d code都係咁難trace...
第日出黎做o野希望唔好係咁...
我捱得悶，不過唔喜歡捱悶....
如果可以，其實我麻麻地想做programmer...
Consultant...都幾渺茫...究竟有冇可能呢？
今日office多番d人，
都熱鬧番d...
好過上星期...
食下Tea...等到放工，
放工真係最開心ar...
今晚我地同大組長食飯，
之前響Sogo下面間超級市場(?!)行...
全部都係o野食...勁多勁多零食，
仲要係第二度冇見嫁！哈....原來睇o野食都可以幾開心~
超市外面都係o野食，好鬼靚，睇落又好鬼好食啊~
不過...仲係超貴添呀~
一舊仔糕點呀朱古力呀都成五、六十蚊...
真係一啖就食左我成餐喇...
食西餐...
碟咖啡羊排幾得意...真係有咖啡味喎~
叫碟蝦意粉先記起唔食得蝦...得個望字都幾可惜呢~
碟魚都唔算大啦...但係你仲好似咁辛苦先食得晒？
仲要食甜品食到個樣咁慘 -______-
不過...都係要多謝你請喎~
係我成日人工咁多啊~
睇相...其實我得幾張，
不過唔緊要啦~
我都唔係映咁多相o既人...
反而睇下大家會仲有趣~
畢業喇...究竟可以點？我地有幾多人會即刻番工呢？
呢幾年o既生捱，學左d咩？出黎會唔會真係咩都唔識由頭再學過？
搬屋其實都幾開心嫁...不過冇時間做FYP可以點算？
前途...理想...一個人面對未知係咪一定會徬徨呢？
泥頭車...牧師...講真...其實有趣過科學家呢~
有咩事可以令朋友反目？旁觀但係又無能為力o既心情都好無奈啊....
忽然覺得由香港島番黎好似咁快咁o既....
番去睇報紙講IT人o既career...
家陣真係好好景，
兩年後會係點呢？
或者...家陣唔收我真係俾我多個機會諗...
丫...一個鍾意笑o既人唔笑得，係咪真係好慘呢？ hauhauhauhauhau :D
11-4
本來起身遲左，
差d唔番學(唔番MM)...
不過諗左一陣，
又忽然彈起身極速番學，
冇咩特別原因，
不過可能見個sem就快完，
有d唔捨得？
都係繼續FYP...
可以響英文windows出到中文...
出到synchronized script...
有Demo，不過其實observable o既唔係好多...
不過都係咁嫁喇...
唔通次次都同佢換過晒個interface咩...
不知不覺原來就快又交FYP report，
忽然先發覺咁快，
好驚。
唔...真係就快完，
我o既路會係點？
Who knows?
繼續FYP，mm同組..真係唔好意思...
夜晚去左教堂做追思彌撒，
有個親戚去世...
白頭人送黑頭人...
生命...
10-4
繼續...
FYP聽日要有o野睇！
阿毛約左兩三點左右....
結果到晚飯時間先出現....
一番黎又話預左通頂....
又好認真咁話請同組食飯...
你冇o野呀嘛？
9-4
今日約左兩點番去做MM，
結果真係兩點...起身...
番去又唔記得要搭巴士，
但係番到去連校巴都滿，
"Yang"上去...連貴校巴都唔駛搭...
MM都算做得幾順利，
咁我又"順便"做下FYP...
咁又一日。
番去...唔知點解好肚餓，
食左一大盒威化... -______-
8-4
今日有得打壁球~
終於多番d人~
而且冇同partner對打，
好似打完都唔係點支力~
最後一次seminar...
咁快又一個學期喇，
咁快又三年喇...
最近成日諗出黎做o野之後會係點~
好怕會好悶...
我好怕悶啊...
又好怕大家各有各忙冇得見面...
我最開心o既日子都係同大家一齊過啊...
好怕會剩係掛住做o野，
會冇左理想，或者冇左求知o既精神，
或者會變左個俗人...唔知...唔知...
繼續係做MM，
又繼續係冇咩貢獻，
唯有做下按摩部長啦~hahaha...
夜晚去左食日本o野，
雖然明知會踢波遲到，
不過都冇計啦~
d 麵其實都幾好食，不過就大"碗"d囉...
今晚阿晶放我地飛機，
得番五個人踢...
都唔緊要啦...
射左兩球靚波，可惜唔入~
7-4
又係遲起身...
又係番去sit GEE...
今堂再睇過Blade Runner...
以前第一次睇唔係好知佢講咩，所以覺得麻麻地，
家陣知多左，又覺得好睇喎....
踢E-league...
輸1:0...真係慘ar...
明明係有幾個好機會家嘛...
丫...我始終覺得CS人踢波唔夠硬淨...
咁響大場踢係好輸蝕...
跟住番去lab做MM，
阿毛阿明阿務幾個其實都做晒d o野，
我都係做song convertion....
或者有需要o既時候俾下意見咁lar...
番去做FYP...
其實係尋晚++講到佢最近都忙FYP同MM...
我先忽然覺醒...
都係時候tie up佢喇...
好頭好尾嘛...
做做下忽然喔噢我，
又傾左一大輪，
好似都傾不出一個所以然，
其實...我都唔知將來會點，
不過我希望每日都過得開開心心。
一路做一路I...
搞到五點幾六點先訓，
聽日仲要打壁球啊~~
6-4
可以話冇做過o野...
浪費生命的一日。
不過...仲可以浪費都係好事....
5-4
晨咁早起到身番工，
或者到要負責任o既時候就自動自覺d o既...
上環...真係好鬼遠...
如果第日番工要去咁遠就慘lu..
不過...我其實幾想去香港島番工，
中環灣仔銅鑼灣都幾好...唔好上環...
話時話，我都冇收到pg o既信，
雖然讀唔讀我都冇咩所謂，
不過佢唔收又硬係有d失望...好似落選咁...
番工...真係好鬼悶悶悶悶悶呀....
今日阿tom唔響度，但係我迷失響佢d code度，
真係抓穿頭都唔知trace去邊先得...
成個下晝都係咁無聊咁望住d code發呆，
其實自問寫program都算掂...
今次俾佢考起真係幾挫敗呀...
或者賴佢寫得dirty都得o既...
maybe出黎做o野跟人地d project都會係咁...
可能我地出黎做o野會俾人鬧一輪先學識到點做o野呀...
放工，哈...原來番工都係等放工...
兩個人又係去左銅鑼灣，
不過心情唔同上個星期喇...
周圍行左一大輪，冇精品o既精品廊、日本食物街、上海食物街
甚至係唔知係咩地方o既地方，不過都唔緊要啊~
然後去左甜品舖食飯(d 鳳凰奶糊真係幾好食)，
食食下忽然擔心冇錢埋單...
雖然銀包有張五百蚊，不過佢寫住"大額面鈔不設找贖"...唔通呢餐要咁貴？！
響天橋上面又可以傾一輪，睇住d 叮叮來來往往，好舒服呢...
著住西裝拎住支哥爾夫球杆真係好得意呢~
跟往搭叮叮，搭搭下就搭到去筲箕灣，
順便去埋就打烊o既M記食埋雪糕(兩蚊雪糕送兩蚊代用卷啊~~)先搭地鐵走...
丫...有幾做謎...
點解妳可以咁遲先知？
點解++會知？
我地開心番大家係咪都可以開心番？
好開心啊我今日~ =D
如果日日係咁就好喇~
不過...未做完MM 聽日要咁早起身...咁妳又真係好慘啊~
番到屋企...搞左成晚都開唔到自己個ICQ...
好彩最最後都開番...唔係差d以為俾人hack左添~
4-4
結果屋企人都未番到，
咁就唔駛拜山啦...
今日番左去做MM project，
同阿明一齊搞GUI...
我其實剩係畫左個樣出黎...
忽然覺得自己貢獻好少...
阿毛同阿做搞sound dev..
搞到阿做把聲變左阿務...
阿務把聲就變怪獸...
真係好鬼搞笑啊...
UDP, TCP....搞一大輪...
結果傾得咁上下又出去食...
今云去左沙田食韓燒，
多謝阿毛！
又要俾錢...又要俾人玩...
其實都幾慘....
你夾o者o厘又真係夾得渣d...
不過我吞左半舊o者笑到喊咪又係咁慘~
平手喇~
阿明...你番到九龍塘肯話番俾阿毛知...
都算有良心喎...如果係我就真係唔知會唔會講喇...
番到去...本來仲諗緊聽日點好，
點知...竟然又係我慢人一步...
其實都有d出奇嫁，估唔到...
或者我從來都係太被動o既一個人...
不過好彩我都唔係鈍胎，
冇問妳係唔係要debug =P
傾傾下又成四點幾，
唔駛做功課啦妳...
雖然得番四粒鐘訓，
不過訓得好開心~
3-4
依然係做MM，
終於做完，
跟住就成晚都冇咩做過，
好似唔想做o野咁...
或者係因為突然諗起聽日放假呱...
落黃雨，所以阿爸阿媽今晚未番，
咁聽日仲要唔要去拜山啊？
裝左個realplayer，
響網上面周圍聽歌...
聽左成晚...
尤其是諗起聽日原來係放假...
聽carol做廣播，
唔知佢食螺絲係咪因為諗緊o野呢？
定係無關係？
題目好似有d關係，
不過聽完其實都係咁...
2-4
好晏先起身做MM...
但係又做到好夜先訓...
1-4
今日好開心，
唔係話好興奮或者high咁樣，
但係有一種抒懷o既relax o既感覺...
今日約左打壁球，
其實尋晚唔見你地online都預左今日得番我地兩個，
不過咁其實仲好，
可以傾下d多人o既時候唔傾o既o野，
或者，我最需o既就係咁...
最需要o既就係唔再感覺孤獨...
有人可以分享或者分擔o既感覺真係好...
多謝妳，真係好多謝妳...
其實日子依然係一樣咁過，
一樣係咁聽seminar，一樣係上完堂做o下功課咁...
依然係一個人留咁夜先去踢波...
不過個心情唔同左...
呢樣係最重要o既...
我唔知自己可以點，
不過唔知點解又已經唔徬徨，
或者，係已經準備好接受每一種結果。
有時人o既情緒係最奇怪o既...
因為想投入，所以投入；
因為想灑脫，所以灑脫；
我唔知呢d叫唔叫欺騙自己，
不過我覺得事實就係咁...
今晚踢波都幾洩...
無喇喇兩個friend個袋俾人偷左，
搞左一大輪...又去警署報失咁，
搞到成三點幾先番屋企...
不過...其實唔見銀包係麻煩d o者，
家陣財政獨立，
唔見錢咪當玩少兩次，
反而唔會好似以前細個唔見銀包驚屋企鬧咁慌...
哈...成班友響警署入面家常，
其實都幾搞鬼~